TOShKENT, 17 avg – Sputnik. O‘zbekistonda elektron viza berish tartibi joriy etilganidan buyon 15-iyuldan -15 avgustga qadar 5025 nafar xorijiy sayyohlarga elektron vizalar berildi, deb xabar qilmoqda Spot nashri.
Eslatib o‘tamiz O‘zbekiston 15-iyuldan boshlab e-visa.gov.uz sayti orqali elektron vizalar berishni boshlagan edi.
O‘tgan bir oy ichida O‘zbekistonga kirishga elektron viza olish uchun 5460ta ariza kelib tushgan. Shundan 1190 ta – Xitoy, 671ta – AQSh, 611ta – Buyuk Britaniya, 403ta – Hindiston, 339ta – Fransiya, 311ta – Germaniya, 253ta – Avstraliya fuqarolaridan.
15 avgust holatiga 5025ta elektron vizalar berilgan. Faqat bir kishiga (Fransiya fuqarosi) - rad javobi berilgan.
