TOShKENT, 6 avg — Sputnik. Kecha, 5-avgust kuni soat 10:10 da Toshkent shahar Sergeli tumanidagi “Trest Bino qurilish” MChJ hududida gaz balloni portladi, deb xabar qildi Favqulodda vaziyatlar vazirligi matbuot xizmati.
Xabarda aytilishicha, propan gaz balonidan gaz qoldiqlarni bo‘shatish vaqtida havo-gaz aralashmasining chaqnashi sodir bo‘lgan. Chaqnash oqibatida, yaqin masofada ishlayotgan 3 nafar fuqaro tan jarohati olgan.
Quyidagilar jabrlanganlar: Muminov 1966-yilda tug‘ilgan (80 % termik kuyish), Xakimov 1982-yilda tug‘ilgan (27 %), Anakulov 1989-yilda tug‘ilgan (27 %).
Jabrlanganlar Respublika shoshilinch tibbiy yordam ilmiy markaziga joylashtirilgan.
