O‘zbekistonda yo‘lovchi tashuvchi transportda videoregistrator o‘rnatilishi majburiy bo‘ladi

© Sputnik / Aleksey Malgavko / Mediabankka o‘tishVideoregistrator v avtomobile
Videoregistrator v avtomobile - Sputnik O‘zbekiston
Obuna bo‘lish
Huquqbuzarlik qayd etilgan videoyozuvlarni yuborgan fuqarolar huquqbuzardan undirilgan jarima hisobidan eng kam oylik ish haqining besh foizi miqdorida rag‘batlantiriladi.

TOShKENT, 18-iyul — Sputnik. Normativ-huquqiy hujjatlar loyihalarining muhokamasi portalida Vazirlar Mahkamasining "Yo‘l harakati xavfsizligi sohasidagi huquqbuzarliklarga qarshi kurashish samaradorligini oshirishga doir qo‘shimcha chora-tadbirlar to‘g‘risida"gi qarori loyihasi umumiy muhokamaga qo‘yildi.

Nochnoy Tashkent - Sputnik O‘zbekiston
O‘zbekistonda mashina oynasini qoraytirishga ruxsat beriladi: to‘lovi 15,5 million so‘m

Qaror loyihasiga ko‘ra, 2019-yil 1-iyulga qadar jismoniy va yuridik shaxslarning avtotransport vositalariga o‘rnatilgan videoregistratorlardan sodir etilgan huquqbuzarliklar holatlari to‘g‘risidagi videoyozuvlarni to‘plovchi veb-portal ishga tushiriladi.

Shuningdek, 2019-yil 1-iyuldan mulkchilik shaklidan qat’i nazar jamoat transporti va yo‘lovchi tashuvchi transport vositalari uchun videoregistratorlar o‘rnatish bo‘yicha majburiy tartib joriy etiladi.

Huquqbuzarlik qayd etilgan videoyozuvlarni yuborgan fuqarolar huquqbuzardan undirilgan jarima hisobidan eng kam oylik ish haqining besh foizi miqdorida rag‘batlantiriladi.

Videoregistratorlar orqali yo‘l harakati qoidalari buzilganligi qayd etilgan videoyozuvlarni taqdim etgan fuqarolarning shaxsiy ma’lumotlari oshkor etilishiga yo‘l qo‘yilmaydi.

O‘zbekiston Ichki ishlar va Moliya vazirliklari tomonidan jismoniy va yuridik shaxslarning avtotransport vositalariga o‘rnatilgan videoregistratorlardan sodir etilgan huquqbuzarliklar holatlari to‘g‘risidagi videoyozuvlarni to‘plovchi veb-portal faoliyatini yo‘lga qo‘yish uchun zarur texnika vositalarini xarid qilish uchun mablag‘ ajratish rejalashtirilgan.

Hujjat loyihasi 2018-yil 3-avgustgacha muhokama qilinadi.

Yangiliklar lentasi
0