TOShKENT, 15-iyul - Sputnik. 16-iyul kuni Farg‘ona shahrida O‘zbekiston bosh vaziri Abdulla Aripov va Tojikiston bosh vaziri Qohir Rasulzoda uchrashuvi bo‘lib o‘tadi. Bu haqda O‘zbekiston TIV matbuot xizmati xabar berdi.
Ikki mamlakat vazirliklari va idoralari, yetakchi iqtisodiy tuzilmalari rahbarlari o‘rin olgan delegatsiyalarga boshchilik qilayotgan hukumat rahbarlari ikki tomonlama munosabatlarning dolzarb masalalarini, avvalo oliy darajada bo‘lib o‘tadigan O‘zbekiston-Tojikiston uchrashuviga tayyorgarlik jarayonini muhokama qiladilar.
Eslatib o‘tamiz, shu yilning mart oyida O‘zbekiston prezidenti Shavkat Mirziyoyevning Tojikistonga rasmiy tashrifi bo‘lib o‘tgandi. Muzokaralar davomida Emomali Rahmon va Shavkat Mirziyoyev turli yo‘nalishlar bo‘yicha hamkorlik to‘g‘risida 27 hujjat imzolagandi.
