Shavkat Mirziyoyev avgust oyida Turkmanistonga tashrif buyurishi mumkin

© Press-slujba prezidenta RUzPrezident Respubliki Uzbekistan Shavkat Mirziyoyev i prezident Turkmenistana Gurbanguli Berdimuxamedov
Prezident Respubliki Uzbekistan Shavkat Mirziyoyev i prezident Turkmenistana Gurbanguli Berdimuxamedov - Sputnik O‘zbekiston
Obuna bo‘lish
Joriy yil avgust oyida Ashxobodda bo‘lib o‘tadigan Orolni qutqarish xalqaro jamg‘armasi ta’sischi davlatlari rahbarlarining sammiti bo‘lib o‘tadi.

TOShKENT, 29-iyun — Sputnik. O‘zbekiston prezidenti Shavkat Mirziyoyev 29-iyun kuni Turkmaniston prezidenti Gurbanguli Berdimuhamedov bilan telefon orqali muloqot qildi, deb xabar qildi prezident matbuot xizmati.

Pogranichnik na uchastke granisi, arxivnoe foto - Sputnik O‘zbekiston
Buxorodan Turkmanistonga o‘tadigan chegara posti ochildi

Xabarda aytilishicha, Shavkat Mirziyoyev suhbat avvalida Turkmaniston prezidentini tug‘ilgan kuni munosabati bilan samimiy muborakbod etib, unga mustahkam sog‘lik, baxt-saodat va yangi zafarlar tiladi.

Bugungi Turkmaniston erishayotgan ulkan muvaffaqiyatlar, uning xalqaro nufuzi izchil yuksalib borayotgani Gurbanguli Berdimuhamedov rahbarligida amalga oshirilayotgan keng miqyosli islohotlar va yangilanishlarning, ijobiy betaraflik siyosatining amaliy natijalari ekani alohida ta’kidlandi.

Turkmaniston prezidentining Markaziy Osiyo mintaqasida xavfsizlik va barqarorlikni ta’minlash, transport yo‘laklari va energetik infratuzilmani rivojlantirish, suvdan oqilona foydalanish, sportni ommalashtirish borasida va boshqa yo‘nalishlardagi xalqaro miqyosdagi tashabbuslariga yuksak baho berildi.

Oliy darajadagi muntazam muloqot va uchrashuvlar qardosh xalqlar o‘rtasidagi ko‘p asrlik do‘stlik rishtalarini mustahkamlashga, shuningdek, mamlakatlar o‘rtasida yaxshi qo‘shnichilik va strategik sheriklik munosabatlarini kengaytirishga xizmat qilayotgani chuqur mamnuniyat bilan qayd etildi.

Turkmaniston prezidentining joriy yil aprel oyida O‘zbekistonga amalga oshirgan samarali davlat tashrifi hamda uning yakunida erishilgan muhim kelishuvlar va bitimlar ko‘p qirrali O‘zbekiston-Turkmaniston hamkorligiga yangi sur’at baxsh etib, uni amaliy mazmun bilan boyitgani ta’kidlandi.

Suhbat chog‘ida savdo, ishlab chiqarish kooperatsiyasi, energetika sohalari, samarali transport va tranzit kommunikatsiyalarini rivojlantirish, shuningdek, madaniy-gumanitar yo‘nalish bo‘yicha hamkorlik istiqbollari ko‘rib chiqildi. Mintaqaviy va xalqaro ahamiyatga molik dolzarb masalalar yuzasidan fikr almashildi.

Uzbekistan i Turkmenistan podpisali soglashenie o torgovix domax - Sputnik O‘zbekiston
O‘zbekiston va Turkmanistonda ikki mamlakat savdo uylari ochiladi

Turkmaniston prezidenti samimiy tabrik va tilaklar uchun davlat rahbariga minnatdorlik bildirdi hamda O‘zbekiston prezidentini joriy yil avgust oyida Ashxobodda bo‘lib o‘tadigan Orolni qutqarish xalqaro jamg‘armasi ta’sischi davlatlari rahbarlarining sammitida ishtirok etishga taklif qildi.

Muloqot so‘ngida davlat rahbarlari ikki qardosh mamlakat va xalq farovonligi yo‘lida O‘zbekiston Respublikasi va Turkmaniston o‘rtasidagi strategik sheriklik va o‘zaro manfaatli hamkorlik munosabatlarini yanada rivojlantirish va mustahkamlashda intilishi qat’iy ekanliklarini yana bir bor tasdiqladilar.

Yangiliklar lentasi
0