TOShKENT, 25-iyun – Sputnik. Qozog‘iston Qishloq xo‘jaligi vazirligi, Rossiyaning ayrim hududlarida parranda grippi qayd etilishi munosabati bilan, 36ta qush fabrikasi mahsulotini olib kirishni ta’qiqladi, deb xabar qilmoqda RIA Novosti.
Xalqaro epizooterik buro xabariga ko‘ra, parranda grippining xavfli ko‘rinishlari Rossiyaning Kursk, Penza va Samaraviloyatlarida qayd etilgan.
“Ushbu munosabat bilan, oziq-ovqat mahsulotlari sohasida xavfsizlikni ta’minlash maqsadida Qozog‘iston Qishloq xo‘jaligi vazirligi 2018-yilning 21-iyunidan boshlab Rossiyaning yuqorida qayd etilgan hududlarida yetishtirilgan tirik parranda, parranda go‘shti, parranda tuxumini Qozog‘istonga olib kirish ta’qiqlanadi”, - deyilgan xabarda.
Undan tashqari ushbu hududlardan qushlar uchun yem va parranda fermalarida foydalanilgan aspob-uskunalar olib kirish ham ta’qiqlangan.
Eslatib o‘tamiz, o‘tgan hafta Saratov viloyatida ikki joyda paranda grippi aniqlanganini xabar qilgan edi. 22-iyun kuni Penza viloyatida ham to‘qqiz fermada shunday holat qayd etildi. Bundan oldin Rosselxoznadzor Kursk viloyatida parranda grippi aniqlanganini xabar qilgan edi.
