TOShKENT, 18-iyun — Sputnik. Toshkent metropolitenining "Paxtakor" va "Alisher Navoiy" bekatlarida Wi-Fi xizmati sinov tariqasida ishga tushirildi, deb xabar qildi "Xalq so‘zi" nashri.
Xabarda aytilishicha, hozircha internet tashqi saytlarga ulana olmaydi. Yo‘lovchilar simsiz tarmoq orqali faqat metropoliten resurslari bilan tanishishlari mumkin. Ular o‘z ichiga kitoblar, musiqalar va foydali axborotlarni qamrab olgan.
Kelgusida OAV manbalaridan foydalanish imkoniyati ham yaratiladi. O‘zbekistonni diqqatga sazovor joylari haqida ma’lumot beruvchi elektron gidlar joriy etiladi. Sinov rejimi Mustaqillik kuni nihoyasiga yetadi.
Bundan tashqari, yerosti yo‘lida uyali aloqa tizimi ham paydo bo‘lishi mumkin.
