TOSHKENT, 15 iyun — Sputnik. Butunjahon sogʻliqni saqlash tashkiloti oʻz joniga qasd qilishlar boʻyicha statistikani eʼlon qildi, Oʻzbekiston bu koʻrsatkich boʻyicha Markaziy Osiyoda uchinchi oʻrinda qayd etildi.
Mintaqadagi eng yuqori koʻrsatkich Qozogʻistonda. Bu yerda 2016 yilda oʻz joniga suiqasd qilish boʻyicha 100 ming kishiga 22,5 kishi toʻgʻri kelgan.
Qirgʻizistonda bu koʻrsatkich 8,3, Oʻzbekistonda 7,4 kishini tashkil etgan.
Toʻrtinchi va beshinchi oʻrinlarda Turkmaniston (6,7) va Tojikiston (2,5) joylashgan.
Statistikaga koʻra, oʻz joniga qasd qilish boʻyicha Litva, Rossiya va Gayana yuqori oʻrinlarda turadi.
