TOShKENT, 6-iyun — Sputnik. Qozog‘iston parlamenti Senati qo‘mita raisi Darig‘a Nazarboyeva boshchiligidagi parlament vakillari Janubiy Qozog‘iston viloyatining O‘zbekiston bilan chegaradosh Sariog‘och tumanida o‘zbekistonlik hamkasblari bilan uchrashdi, deb xabar qildi "KazTV".
Iki mamlakat vakillari Qozog‘iston va O‘zbekiston o‘rtasida sayyohlarning erkin kirib-chiqishini ta’minlash tartiblarini yanada yengillashtirish masalalarini ko‘rib chiqdilar. Shuningdek, Sariog‘och tumanining chegara hududida yirik savdo majmuasi tashkil qilishga kelishib olindi.
Eslatib o‘tamiz, prezident Nursulton Nazarboyev Qozog‘istonda 2018-yilni O‘zbekiston yili deb e’lon qilganida, ushbu mamlakat bilan munosabatlar yangi bosqichga ko‘tarilgani va tobora yaxshilanayotganini aytgan edi. "O‘zbeklar bizga yaqin insonlar, Markaziy Osiyodagi katta mamlakat, shu bois, u davlat bilan aloqalar muhim va foydali", — degan edi Qozog‘iston rahbari.
