TOShKENT, 22-may — Sputnik. Janubiy Osetiyalik siyosatshunos Soslan Pliyev Sputnik radiosi bilan bo‘lgan suhbatda AQShning “yumshoq kuchi” nimadan iborat ekanligiga izoh berdi.
Mutaxassis fikriga ko‘ra,vamlakat ichidagi vaziyatga ta’sir ko‘rsatishning bir uslubi — bu turli yo‘llar bilan amerika ideallari va hayot qadriyatlarini namoyish qilish, amerikacha hayot tarzini targ‘ib qilishdir, lekin eng samaralisi – ta’lim orqali.
Xorijiy mamlakatlardan iqtidorli yoshlarni tanlab olib, ularni AQSh oliygohlarida o‘qitish, AQSh iqtisodiy va siyosiy tizimini yagona to‘g‘ri yo‘l sifatida namoyish qilish – eng kuchli ta’sirga ega bo‘lgan "yumshoq kuch" turlaridan biridir.
Uzoq muddatli istiqbolda faqatgina ta’lim tizimiga tayangan “yumshoq kuch” — juda muhim siyosiy vazifani amalga oshirish imkonini beradi – ya’ni xorijiy mamlakatlarda AQShga xayrixoh bo‘lgan siyosiy elita tayyorlashni, — deydi ekspert.
Bu borada aniq raqamlar mavjud – bugungi kunda turli mamlakatlarni boshqarayotgan 50 ta rahbar Amerikada o‘qigan.Sobiq prezidentlar orasida esa amerikada o‘qib kelganlar soni – 165tadan ziyod.
International Student portali xabariga ko‘ra, 2014-yilda AQShda 800 ming xorijiy talabalar tahsil olgan, taqqoslash uchun – 1950-yilda ularning soni 35mingta bo‘lgan. Demak, yillar davomida AQSh bunday “yumshoq kuch” qanchalik muhim ekanini juda yaxshi tushunib yetgan.
Aytish joiz-ki, Buyuk Britaniya ham xuddi shunday faoliyat bilan shug‘ullanadi. U yerda 300 mingdan ortiq xorijiy talabalar tahsil oladi, Avstriyada – 150 mingga yaqin va ho kazo.
Amerikada o‘qigan eng mashhur talabalar orasida Gruziya sobiq prezidenti – Saakashvili, Afg‘oniston sobiq prezidenti Hamid Karzay, Germaniya sobiq kansleri Shroder, Paragvayning amaldagi prezidenti Orasio Kartes va boshqalar bor.
