TOShKENT, 8-may — Sputnik. Yaqin kelajakda AQShga rasmiy tashrif bilan boradigan O‘zbekiston prezidenti amerika ma’muriyati bilan keng doiradagi masalalarni hal etadi, deya fikr bildirdi Toshkent Ma'no tashabbuslarni tadqiq etish markazi rahbari Baxtiyor Ergashev.
Ekspert so‘zlariga ko‘ra, O‘zbekistonning bugungi kundagi tashqi siyosati, ayniqsa mintaqaviy boradagi siyosati, juda faol va mantiqiy davomiylikni talab etadi.
"Yaqinda Toshkentda Afg‘oniston bo‘yicha o‘ta jiddiy konferensiya bo‘lib o‘tdi va AQSh bu tadbirni o‘tkazish bo‘yicha asosiy hamkorlardan biri bo‘lgan edi. Ammo endilikda keyingi pog‘onaga ko‘tarilish, ushbu masalalarni hal etishda davom etish lozim. Bu ham siyosiy maqsadlar, ham xavfsizlik masalalari, iqtisod va investitsiyalar, bularning barchasi muhokama etiladi. Fikrimcha, u yerda juda ijobiy yechimlar bo‘ladi. Tomonlar bunga tayyor", — deb ta’kidladi ekspert.
Eslatib o‘tamiz, o‘tgan yilning oxirida bo‘lib o‘tgan telefon muloqoti davomida Donald Tramp Shavkat Mirziyoyevni ikki tomonlama hamkorlikni kengaytirishning istiqbolli rejalarini birgalikda ko‘rib chiqish maqsadida AQShga rasman tashrif buyurishni taklif etgan edi. Joriy yilning mart oyida Tramp Mirziyoyevga yuborgan maktubida O‘zbekiston prezidenti bilan uchrashuvni "intizorlik bilan kutayotganini" aytib o‘tgan edi.
