TOShKENT, 2-may — Sputnik. Tojikistonlik xonanda Shabnami Surayyo "Boysun bahori" festivalidagi ishtirokidan so‘ng O‘zbekistonga mehmondo‘stligi uchun minnatdorlik bildirdi.
"Iliq qabul va mehmondo‘stlik uchun O‘zbekistonga minnatdorlik bildiraman. Yana bir bor u yerda bo‘lganimdan baxtiyorman", — deb yozdi xonanda Instagram sahifasida.
U shuningdek, Yulduz Usmonova bilan uchrashuvi haqida ham alohida post qoldirdi.
"Afsona, primadonna Yulduz Usmonova bilan. Mana shunday yaxshi, oqila va pozitiv inson bilan vaqtim juda chog‘ o‘tdi. U qirolichaning o‘zginasi", — deb yozdi Surayyo.
Eslatib o‘tamiz, 2002-yilda o‘tkazila boshlangan mazkur festival 2004-yilga kelib to‘xtab qolgan edi.
Shavkat Mirziyoyev 2016-yilning 17-noyabrida o‘zining saylovoldi dasturi doirasida Surxondaryo viloyati saylovchilari bilan uchrashuvda yaxshi an’ana, xalqaro obro‘ga ega bo‘lishga ulgurgan "Boysun bahori" xalqaro folklor festivalini qaytadan tiklash kerakligi haqida taklifni bildirgandi.
