TOShKENT, 23 apr — Sputnik. 2017-yil O‘zbekiston va Turkmaniston munosabatlarida tarixiy yil bo‘ldi, deb ta’kidladi dushanba kuni Ko‘ksaroyda OAV vakillariga qilgan murojaatida O‘zbekiston prezidenti Shavkat Mirziyoyev.
Ko‘ksaroy qarorgohida ikki davlat prezidentlari tor doirada uchrashuv o‘tkazdilar va so‘ngra OAV vakillariga murojaat qildilar.
OAV vakillari bilan uchrashuvda, O‘zbekiston prezidenti Shavkat Mirziyoyev 2017-yil O‘zbekiston va Turkmaniston munosabatlarida tarixiy yil bo‘lganini qayd etdi.
"Bugungi uchrashuv davomida ham barcha masalalarni muhokama qilib oldik, bugungi uchrashuvimiz ham juda samarali bo‘ldi, o‘rtada hal etilmagan masalalar qolmadi", — dedi Mirziyoyev.
Shuningdek, O‘zbekiston prezidenti bugungi uchrashuv davomida imzolangan hujjatlarni ertangi kundagi munosabatlarning ishonchli garovi deya qo‘shimcha qildi.
