TOShKENT, 13 fev — Sputnik. O‘zbekiston shu yil yanvarda tashqi savdo aylanmasi 1,8 milliard (eksport — 0,7 milliard dollar, import — 1,1 milliard dollar) tashkil qildi. Davlat statistika qo‘mitasi ma’lumotlariga asosan.
Tashqi savdoning saldosi minus 433,9 million dollar bo‘ldi, ular ichida MDH davlatlari minus 161,9 million dollar, boshqa davlatlar bilan minus 272 million dollar.
Ta’kidlab o‘tish kerakki, so‘ngi yillar davomida O‘zbekiston eksport tarkibi o‘zgarib, tovarlar va xizmatlarning barcha guruhlar bo‘yicha ko‘rsatkichlar ko‘payishi kuzatilmoqda.
Eksport tarkibining asosiy ulushi xizmatlar 34,1 % ni tashkil qilmoqda. Ulardan asosan neft mahsulotlari va energiya — 24,2 %, transport xizmatlari — 16,1 %, kimyo mahsulotlar — 8,2 %, oziq-ovqat mahsulotlar — 7,2 %, qora va rangli metallar — 4,8 %.
Mashina va uskunalarni eksporti o‘tgan yil ko‘rsatkichiga nisbatan 3 baravarga ko‘paydi. Eksport asosan transformatorlar va akkumulyatorlar (46,7%) va qozon, uskuna, mexanik qurilmalar va ularning qismlarini (9,1%) eksport qilish hisobiga ko‘paydi.
Oziq-ovqat mahsulotlarni eksport qilish 40,8 %ga ko‘paydi. Ular asosan bug‘doy — 6,8 baravar, meva sabzavotlar — 28,8 %ga ortdi. Energiya va neft mahsulotlarni eksporti 2,3 baravarga ko‘paydi. Tabiiy gaz eksporti 3,3 baravarga ko‘paydi.
Importning asosiy ulushi mashina va uskunalar (35,4 %) hamda kimyo mahsulotlar (14,8 %) hisobiga to‘g‘ri keldi.
MDH davlatlari orasida Rossiya, Qozog‘iston, Belarus, Ukraina, Tojikiston va Qirg‘iziston O‘zbekistonning tashqi savdo bo‘yicha sherik davlatlar hisoblanadi, ular bilan tashqi savdo aylanuvi 41,4% ni tashkil qiladi.
