TOShKENT, 2 fev — Sputnik. Joriy yil 31-yanvar kuni soat 18:22 da Toshkent shahrining Yashnobod tumanida Asalobod 1-daha 1-uyda joylashgan «Eksilon Invest» MChJga qarashli avtoturargohda yong‘in sodir bo‘lgan. IVV xabariga asosan.
Xabarda aytilishicha, yong‘in oqibatida avtoturargohning 100 kv. m. maydonida joylashgan tom qismi va shu yerda bo‘lgan turli rusumdagi jami 7 ta avtomashina yonib zarar ko‘rgan.
Tezkor ko‘rilgan choralar natijasida yong‘in o‘chirilgan.
Yong‘in kelib chiqish sabablari aniqlanmoqda.
