TOShKENT, 31 yanv — Sputnik. Normativ-huquqiy hujjatlarning muhokamasi portalida Vazirlar Mahkamasining "Suv ta’minoti va suv chiqarish xizmatlar tariflarini qo‘llashni belgilash tartibini takomillashtirish chora-tadbirlari to‘g‘risida"gi qaror loyihasi umumiy muhokamaga qo‘yilgan.
Hujjat loyihasiga ko‘ra, hisoblagich bo‘lmagan holatlarda iste’molchilar suv uchun to‘lovlarni tasdiqlangan tarif bo‘yicha 2 baravar miqdorda to‘lashi zarur bo‘ladi.
Suv ta’minoti va suv chiqarish xizmati ko‘rsatish 100 foizlik oldindan haq to‘lash asosida amalga oshiriladi.
Qaror loyihasi Moliya, Uy-joy kommunal xizmat ko‘rsatish vazirliklari tomonidan tayyorlangan.
Ushbu o‘zgarishlar 2018-yil 1-iyuldan kuchga kiritish rejalashtirilgan.
Portalda qaror loyihasi 13-fevralga qadar muhokama qilinadi. Qaror 19-fevraldan kuchga kiritish kutilmoqda.
