TOShKENT, 31 yanv — Sputnik. "O‘zbekiston havo yo‘llari" MAK joriy yilning 19-fevralidan 23-martiga qadar Dubayga qo‘shimcha parvozlarni yo‘lga qo‘ymoqda, deb xabar qildi milliy aviakompaniya matbuot xizmati.
Xabarda aytilishicha, bu yo‘lovchilar ehtiyoji ko‘paygani bilan bog‘liq. Toshkent-Dubay-Toshkent yo‘nalishi bo‘yicha qo‘shimcha parvozlar dushanba hamda juma kunlari Boeing 757 laynerlarida amalga oshiriladi.
Ayni damda "O‘zbekiston havo yo‘llari" MAK Dubayga haftasiga 3 marotaba parvozlarni amalga oshirmoqda (chorshanba, payshanba va yakshanba kunlari).
Harakatlanish jadvali (mahalliy vaqt bilan):
Dushanba: HY 333 Toshkent — 08:20 Dubay — 10:55; HY 334 Dubay — 12:55 Toshkent — 17:10.
Juma: HY 333 Toshkent — 08:20 Dubay — 10:55; HY 334 Dubay — 13:00 Toshkent — 17:15.
