Toshkentda soxta YHXB xodimi qo‘lga olindi

© SputnikInspektor Gai ostanovil dlya proverki avtomobil
Inspektor Gai ostanovil dlya proverki avtomobil - Sputnik O‘zbekiston
Obuna bo‘lish
O‘zbekiston qonunlariga ko‘ra davlat xizmatchilarining formali kiyim-boshini qonunga xilof ravishda kiyib yurish uchun eng kam oylik ish haqining besh baravarigacha jarima belgilangan.

TOShKENT, 21 yanv – Sputnik. Shanba 20-yanvar kuni soat 14:30 larda “Sergeli” YPX maskanida xizmat olib borayotgan YHXB xodimlariga, fuqaro murojaat qilib, Binokor ko‘chasidagi avtomobil yo‘lida avtomashina xaydovchilarini to‘xtatib, ularning hujjatlarini tekshirayotgan YHXB xodimi unda shubha uyg‘otganligini ma’lum qilgan.

© GUVDSoxta YHXB inspektori
Lje inspektor SBDD v Tashkente - Sputnik O‘zbekiston
Soxta YHXB inspektori

Ushbu xabarga asoslanib, Toshkent shahar IIBB xodimlari yuqorida ko‘rsatib o‘tilgan joyga borgan vaqtlarida, haqiqatdan ham fuqaro Ruzmatov Azizbek Ashiraliyevich, ichki ishlar organi xodimlarining xizmat kiyimida, go‘yoki YHXB xodimi sifatida avtoulovlarni to‘xtatish bilan shug‘ullanayotganligi aniqlangan.

A.A.Ruzmatov tekshirilgan vaqtda, u aslida YHXB xodimi emasligi ma’lum bo‘lgan va undan jezl, radioaloqa vositasi, xushtak, YHXB xodimining qalbaki ko‘krak nishoni va qalbaki ma’muriy huquqbuzarlik bayonnomalari borligi aniqlangan.

© GUVDSoxta inspektorning "jinoyat qurollari"
Lje inspektor SBDD v Tashkente - Sputnik O‘zbekiston
Soxta inspektorning "jinoyat qurollari"

Mazkur holat yuzasidan A.A.Ruzmatovga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilgan.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.

Eslatib o‘tamiz, ushbu yilning boshida O‘zbekiston Ma’muriy javobgarlik kodeksi 209−1-modda bilan to‘ldirilgan edi. Unga ko‘ra davlat xizmatchilarining formali kiyim-boshini qonunga xilof ravishda kiyib yurish uchun eng kam oylik ish haqining besh baravarigacha jarima belgilangan edi.

Yangiliklar lentasi
0