TOShKENT, 18 yanv — Sputnik. Farg‘ona viloyatining Bog‘dod tumanida 56 yashar erkak va uning 54 yoshli xotini gazdan zaharlanish oqibatida vafot etdi. Bu haqda IIV matbuot-xizmati xabar bermoqda.
Xabarda aytilishicha, 16-yanvar soat 07.00 larda Mashrabjon Toshqo‘ziyev va uning turmush o‘rtog‘i Aziza Toshqo‘ziyevalar uyida propan gaz balonini isitish pechiga ulashda texnika xavfsizlik qoidalariga, rioya qilmasliklari oqibatida pechdan sizib chiqqan is gazidan zaxarlanib erkak voqea joyida, ayol kasalxonaga keltirilganida vafot etgan.
Shuningdek, Toshkent viloyatining Quyichirchiq tumanida Ujakent mahalla fuqarolar yig‘inida yashovchi fuqaro uyida gaz pechini yoqish maqsadida gugurt chaqqan vaqtida xonaga to‘planib qolgan gaz va havo aralashmasidan chaqnash sodir bo‘lgan. Natijada uy egasi va uyida mehmonda bo‘lgan qo‘shnisi xam kuyish jarohatlari bilan kasalxonaga yotqizilganlar.
