TOShKENT, 9 yanv – Sputnik. Parlament, senator yoki deputat so‘rovini ko‘rib chiqishda qonunbuzarliklarga yo‘l qo‘ygan mansabdor shaxslar eng kam ish haqining 3 dan 7 baravarigacha jarima bilan jazolanadi.
Bu borada O‘zbekiston Ma’muriy javobgarlik to‘g‘risidagi Kodeksiga tegishli qo‘shimcha kiritildi, deb yozadi RIA Novosti.
O‘zgartishga muvofiq, mansabdor shaxslarning parlament so‘rovini, senator yoki deputat so‘rovini ko‘rib chiqishdagi quyidagi g‘ayriqonuniy harakatlariga nisbatan jarima solinadi:
so‘rovni ko‘rib chiqmasdan qoldirish; so‘rovni ko‘rib chiqish muddatlarini uzrli sabablarsiz buzish; so‘rov yuzasidan bila turib noto‘g‘ri ma’lumotlarni qasddan taqdim etish.
So‘rovlarni ko‘rib chiqish muddati — agar boshqa muddat belgilangan bo‘lmasa, 10 kun.
