TOShKENT, 6 yanv – Sputnik. O‘zbekiston Ma’muriy javobgarlik kodeksi 209−1-moddaga bilan to‘ldirildi. Unga ko‘ra formali kiyim boshni qonunga xilof ravishda kiyish uchun jazo choralari belgilandi.
«Tasdiqlangan namunadagi harbiy, idoraviy va maxsus formali kiyim-boshni bunday huquqqa ega bo‘lmagan shaxslar tomonidan kiyib yurish formali kiyim-boshni musodara qilib, eng kam ish haqining ikki baravaridan besh baravarigacha miqdorda jarima solishga sabab bo‘ladi», — deyiladi moddada.
Yangi qonun O‘zbekiston prezidenti tomonidan imzolanib rasman elon qilingan kundan boshlab kuchga kirdi.
