Operatsiya muvaffaqiyatli o‘tdi - O‘zbekiston TIV

Obuna bo‘lish
O‘zbekiston Tashqi ishlar vazirligi Peterburgda jarohatlangan O‘zbekiston fuqarosi holati haqida ma’lumot berdi

TOShKENT, 30 dek — Sputnik. Tashqi ishlar vazirligi Konsullik boshqarmasining ma’lumotlariga ko‘ra, Sankt-Peterburg shahrida sodir etilgan portlash oqibatida jabrlangan O‘zbekiston fuqarosi Hazratkul Alikulovning (ismi aniqlashtirildi) holati muvaffaqiyatli operatsiyadan so‘ng barqaror. Bu haqda O‘zbekiston TIV matbuot xizmati xabar bermoqda.

Vzriv v Perekrestke v Sankt-Peterburge. 27-dekabrya 2017 - Sputnik O‘zbekiston
Peterburgda "Perekrestok" do‘konida kuchli portlash sodir bo‘ldi

Xabarda aytilishicha, Aleksandrovskiy nomli 17-son shahar kasalxonasida o‘tkazilgan operatsiya natijasida uning tanasiga jarohat yetkazgan jism olib tashlandi.

"TIV Konsullik boshqarmasi va O‘zbekistonning Rossiyadagi konsulligi xodimlari Sankt-Peterburg shahri rasmiylari bilan doimiy aloqada bo‘lib, terakt oqibatida jabrlanganga tegishli qoplovlar berish bo‘yicha choralar ko‘rdilar", deyiladi xabarda.

Eslatib o‘tamiz, 2017-yilning 27-dekabr kuni Sankt-Peterburgdagi "Perekrestok" do‘konida portlash sodir etildi. Ushbu terakt natijasida jami 13 kishi jarohatlangan bo‘lib, olti kishi kasalxonaga yotqizilgan.

Yangiliklar lentasi
0