TOShKENT, 23 dek — Sputnik. Checheniston rahbari Ramzan Qodirovning Instagram ijtimoiy tarmog‘idagi sahifasi ishlamay qoldi. Bu haqda RIA Novosti xabar bermoqda.
Qodirovning @kadyrov_95 sahifasiga kirishga urinilganida sahifaga kirish imkoni yo‘qligi haqida xabar chiqmoqda. Shuningdek, siyosatchining Facebookdagi sahifasi ham ishlamayapti.
Chorshanba kuni AQSh besh nafar rossiyalikni, jumladan Checheniston rahbari Ramzan Qodirovni "Magnitskiy ro‘yxati"ga kiritdi. Qodirovning o‘zi u hayotini terrorizmga qarshi kurashga bag‘ishlagani uchun AQSh uni kechira olmayotganini bildirdi.