TOShKENT, 18 dek – Sputnik. Ayni damda GM-Uzbekistan kompaniyasi vakillari General Motors bilan Sankt-Peterburgda Ravon avtomobillarini ishlab chiqarishni yo‘lga qo‘yish borasida faol muzokaralar olib bormoqda.
O‘zbekistonlik kompaniya maqsadi — General Motorsning Sankt-Peterburgda konservatsiya qilingan zavodi quvvatida foydalanishdir. 2014-yilda faoliyati to‘xtilgan zavod yiliga 100 ming avtomobil ishlab chiqarish imkoniga ega.
Sankt-Peterburgda Ravon R2 modelini ishlab chiqarishni yo‘lga qo‘yish rejalashtirilmoqda.
Eslatib o‘tamiz, Ravon R2 ayni damda Rossiyada A-klass avtomobillari orasida eng bozori chaqqon mashina. 2017-yilning 11 oyi davomida salkam 13 ming avtomobil sotilgan. Kompaniya yil oxiriga qadar ushbu ko‘rsatgichni 15 mingga yetkizishni va’da bermoqda.
