TOShKENT, 8 dek — Sputnik. Moskvada O‘zbekiston va Rossiya o‘rtasidagi strategik hamkorlikning 25-yilligiga bag‘ishlab chiqarilgan katalog taqdimoti bo‘lib o‘tdi.
2017 yilda O‘zbekiston va Rossiya yubileyni nishonladi: ikki mamlakat o‘rtasida diplomatik munosabatlar o‘rnatilganiga 25-yil to‘ldi. Ushbu ayyom munosabati bilan Toshkentda rossiyalik va o‘zbekistonlik tarixchilar tomonidan tayyorlangan ko‘rgazma o‘tkazildi.
25 yil davomidagi hamkorlikka oid shartnomalar matnlari, tarixiy fotosuratlar va tashriflar natijalari alohida to‘plam sifatida nashr etildi. Bugun Rossiya poytaxtida xalqaro mualliflar jamoasi tayyorlagan kitob taqdimoti bo‘lib o‘tdi.
Marosimda O‘zbekistonning Rossiyadagi favqulodda va muxtor elchisi Bahrom Ashrafxonov ishtirok etdi. U chorak asr davomidagi ikki davlat o‘rtasidagi munosabatlar hozirda yuqori cho‘qqiga chiqqanligini e’tirof etdi.
Taqdimoti bo‘lib o‘tgan katalog hozircha 300 nusxada chop etilgan. Rossiya davlat iqtisodiyot arxivi direktori Yelena Turinaning aytishicha, ommaning qiziqishiga qarab kitob qo‘shimcha adadda nashr etiladi.
