TOShKENT, 5 dek – Sputnik. O‘zbekistonga rasmiy tashrif bilan kelgan Afg‘oniston prezidenti Muhammad Ashraf G‘ani Ko‘ksaroy qarorgohida munosib hurmat ehtirom bilan kutib olindi.
Marosimda, ikki mamlakatning davlat madhiyalari yangradi, prezidentlar faxriy qorovul safi oldidan o‘tdilar.
Ashraf G‘ani va Shavkat Mirziyoyev faxriy qorovul oldidan o‘tmoqda
Shundan so‘ng Ashraf G‘ani va Shavkat Mirziyoyevning tor doiradagi uchrashuvi boshlandi.
Muzokarada ikki mamlakat o‘rtasidagi hamkorlikning dolzarb masalalari ko‘rib chiqiladi. Mintaqaviy va xalqaro ahamiyatga molik muammolar, xususan, terrorizm, ekstremizm va narkotrafikka qarshi kurashish, Markaziy Osiyoda xavfsizlikni mustahkamlash yuzasidan fikr almashildi. Muzokaralar Ochiq va konstruktiv ruhda bo‘lib o‘tdi.
Ayni damda tor doiradagi uchrashuv yakuniga yetdi. Bir necha daqiqa ichida kengaytirilgan doiradagi uchrashuv boshlanishi kutilmoqda.
