TOShKENT, 3 dek — Sputnik. Kecha 2-dekabr kuni Tashkentda afg‘on urushi veteranlariga uchta mukofot topshirildi, deb xabar qilmoqda Sputnik muxbiri.
Mukofotlarni O‘zbekistondagi Rossiya elchixonasi harbiy attashesi polkovnik Sergey Chernishev topshirdi.
Xususan, Afg‘on urushi ishtirokchisi veteran Jo‘ra Normurodovga — “Jangovor xizmatlari uchun” medali, Gafur Xudaykulovga esa — "Jasorat" medali topshirildi.
Ushbu mukofotlar aslida 1989-yilda SSSR Oliy Soveti Prezidiumi tomonidan berilgan, lekin usha davrdagi alg‘ov-dalg‘ovlar tufayli o‘z egalariga qadar yetib bormagan.
Mukofotlar Rossiya prezidenti Vladimir Putin tomonidan qaytadan tasdiqlangan. Oxirgi yillarda arxivlarni o‘rganish natijasida ko‘plab mukofotlar o‘z egasini topmoqda. Qidiruv ishlari barcha mavjud bo‘lgan manbaalarda to‘xtovsiz olib borilmoqda.
Taqdirlash marosimida yana bir mukofot – “Do‘stlik ordeni”, O‘zbekiston Baynalminalchi jangchilar ittifoqi raisi Talat Muradovga, Rossiya va O‘zbekiston orasidagi do‘stlikni mustahkamlashga qo‘shgan hissasi uchun topshirildi.
Eslatib o‘tamiz, taqdirlash marosimi 2-dekabr — Xalqaro nogironlar kunida bo‘lib o‘tdi.
