TOShKENT, 2 dek — Sputnik. Osiyo futbol konfederatsiyasi 2017-yil yakunlari bo‘yicha taqdirlanganlar ro‘yxatini e’lon qildi.
OFKning hakamlar uchun maxsus mukofoti o‘zbekistonlik FIFA referisi, plyaj futboli bo‘yicha hakam Baxtiyor Namozovga berildi. Bu haqda tadbir tashkilotchilari saytida xabar berildi.
Baxtiyor Namozov plyaj futboli bo‘yicha jahon chempionatida ishlagan osiyolik ilk hakam bo‘ldi.
Shu yilning bahorida Namozov Bagam orollarida bo‘lib o‘tgan plyaj futboli bo‘yicha jahon chempionatida ishlagandi. U Braziliya va Taiti jamoalari o‘rtasidagi final uchrashuvini boshqargan.
