TOShKENT, 30 noya – Sputnik. Qirg‘iziston O‘zbekistonga dekabr-mart oylarida elektr energiyasi yetkazib berish bo‘yicha shartnoma tuzdi. Bu haqda "Milliy energetika xolding kompaniyasi" OAJ boshqaruvi raisi Oybek Kaliyev ma’lum qildi, deb xabar berdi knews.kg.
Kaliyevning aytishicha, Qirg‘iziston 550 mln kVt.s elektr energiyasi yetkazib berishni mo‘ljallamoqda.
"1 kVt.s. elektr energiyasining eksport narxi 2,4 sentni tashkil etadi", degan u.
Ilgariroq Qirg‘iziston O‘zbekistonga 1 kVt.s. uchun 2 sent qiymatida elektr energiyasi yetkazib berishi ma’lum bo‘lgandi. Shartnoma hajmi 1,25 mlrd kVt.s uchun 25 mln dollarni tashkil etadi.
Mazkur shartnoma esa joriy yilda tuzilgan ikkinchi shartnomadir.
