TOShKENT, 29 noya – Sputnik. Andijon viloyati Buloqboshi tumani Uchtepa qishlog‘ida gaz qudug‘i topilgani rost —deb tasdiqladi “Andijonneft” xodimi Sputnik muxbiriga.
Xodim aytishiga qaraganda, ayni damda topilma xususiyatlari mutaxassislar tomonidan o‘rganilmoqda, uni gaz koni – deb e’lon qilishga hali erta.
“Yangi topilgan gaz qudug‘ini gaz koni deb e’lon qilishga hali erta. Uning yonidan yana 2-3 ta quduqdan gaz topilsa, keyin bz uni gaz koni deb e’lon qilamiz”, — dedi “Andijonneft” xodimi.
Shuningdek, neft kompaniyasi xodimi aytishiga qaraganda, quduqning chuqurligi, chiqayotgan gaz miqdori va bosimi kabi ma’lumotlar davlat siri toifasidagi ma’lumot bo‘lgani tufayli, ularni e’lon qilish mumkin emas.
