TOShKENT, 23 noya – Sputnik. Surxondaryo viloyati Sho‘rchi tumanidagi masjidlar soni yana bittaga ko‘paydi, deb xabar bermoqda O‘zbekiston musulmonlari idorasi matbuot xizmati.
7 Noyabr 2017, 20:30
Ushbu tumandagi "Tolli ota" jome masjidiga Surxondaryo viloyati Adliya boshqarmasi tomonidan masjid ustavining ro‘yxatdan o‘tkazilgani to‘g‘risida guvohnoma taqdim etildi.
"Albatta, bu "Tolli" mahallasida istiqomat qiluvchi namozxonlar uchun juda katta tuhfa bo‘ldi, hozirda ularning quvonchi cheksiz", — deyiladi xabarda.
Eslatib o‘tamiz, O‘zbekistonda aholining 94 foizi islom diniga, 3,5 foizi pravoslav xristian diniga, qolgan qismi esa boshqa dinlarga e’tiqod qiladi. Hozirda mamlakatda 2037ta masjid faoliyat ko‘rsatadi.
