TOShKENT, 16 noya — Sputnik. Internetda AQSh prezidenti Oq uyda suv ichish uchun bir necha bor ma’ruzasini to‘xtatgani haqidagi video ommalashib bormoqda, deb yozadi CBS News.
Voqea Amerika rahbarining Osiyo mamlakatlari bo‘ylab safariga bag‘ishlangan brifing chog‘ida yuz berdi. Prezident ma’ruza qilayotib suv ichgisi keldi va minbar ostidan suv to‘ldirilgan idishni qidirdi.
"Suv yo‘q ekan. Ha, mayli", — dedi Tramp suvli idishni topolmagach.
Amid delivering remarks about Asia trip, Pres. Trump pauses and checks beneath the lectern, taking a brief interlude for water: https://t.co/LbXKzlM4Bg pic.twitter.com/v96XRbYzGe
— CBS News (@CBSNews) 15 noyabrya 2017 g.
Jurnalistlar unga suv bu tarafda turganligini aytishganidan so‘ng u nutq so‘zlashdan to‘xtab suv ichishga kirishdi.
Mazkur holat aks etgan lavha ijtimoiy tarmoqlarda keng muhokamalarga sabab bo‘ldi. Boisi, ilgariroq Tramp respublikachi senator Marko Rubioni 2013-yilda telechiqish chog‘ida suv ichish uchun chalg‘iganini keskin tanqid qilgandi.
"Yanagi safar Marko Rubio suvni idishdan emas, stakanda ichishi kerak, salbiy ko‘rinish kamroq bo‘ladi", — deb yozgandi o‘shanda davlat rahbari.
Rubio ham uzoq kutmadi va AQSh rahbarining harakatiga javob qaytardi.
Similar,but needs work on his form.Has to be done in one single motion & eyes should never leave the camera. But not bad for his 1st time https://t.co/s49JtyRo3S
— Marco Rubio (@marcorubio) 15 noyabrya 2017 g.
"Aftidan, bu ishni qanday bajarishni o‘rganish kerak. Bir harakatda va kameraga qaragan holda suv ichish kerak ekan. Birinchi bor chiqishi uchun yomonmas", — deb yozdi senator Twitter sahifasida.
