TOShKENT, 15 noya — Sputnik. Issiq-ko‘lda ayol o‘z turmush o‘rtog‘ini bo‘ridan qutqardi. Ojiza yirtqichni pichoq yordamida chavaqlab tashladi, deb xabar qildi Sputnik Qirg‘iziston.
Nashrning yozishicha, hodisa 7-noyabr kuni kechqurun yuz bergan. Mirbek Kelgenbayev xotini va sakkiz yashar o‘g‘li bilan uyga qaytayotgan mahalda, Sorichot-Ertash davlat qo‘riqxonasi yonida ularning mashinasi yurmay qoladi.
Mirbek mashinani ta’mirlashga kirishadi. O‘g‘il otasining yonida turadi. Erkakning rafiqasi Elnura — isinish uchun yuk ortish va yuk tushirish punkti binosiga kirib ketadi. Bo‘ri xuddi shu vaqtda Mirbekka hamla qilgan. Lekin erkak jonivorni qulog‘idan mahkam tutishga ulguradi va tizzasi bilan yerga bosib, xotiniga "pichoqni olib chiq", deb baqiradi. Elnura yugurib kelib, jonivorni shaxsan o‘zi pichoqlab tashlaydi.
Mirbek Kelgenbayev ertasi kuni mahalliy kasalxonaga olib borilgan, olgan jarohatlari dezinfeksiya qilingan va u quturishga qarshi emlangan.
