TOShKENT, 14 noya — Sputnik. O‘zbekistonning barcha vakillari VI xalqaro "Sankt-Peterburg gubernatori Kubogi" musobaqasida medallarni qo‘lga kiritishdi, deb xabar berdi O‘zbekiston Boks federatsiyasi.
8-12 noyabr kunlari Sankt-Peterburgdagi "Dinamo" sport majmuasida bo‘lib o‘tgan musobaqada O‘zbekiston, Qozog‘iston, Qirg‘iziston, Ukraina, Tojikiston, Estoniya va Rossiyadan yuzdan ortiq bokschilar qatnashishdi.
O‘zbekiston terma jamoasi uch bokschi bilan ishtirok etdi va ularning barchasi o‘z vazn toifalarida finalga chiqishdi. Hal qiluvchi bahsda Isroil Madrimov (75 kggacha) rossiyalik Igor Ivanchenko ustidan, Shunqor Abdurasulov (60 kggacha) yana bir rossiyalik Ruslan Batmanovdan ustun kelishdi hamda oltin medallarni qo‘lga kiritishdi.
Sanjar Tursunov (91 kggacha) musobaqaning kumush medaliga sazovor bo‘ldi.
Isroil Madrimov shuningdek turnirning eng yaxshi bokschisi deb tan olindi.
