Dmitriy Medvedev O‘zbekistonga rasmiy tashrif bilan keladi

TOShKENT, 25 okt — Sputnik. Dmitriy Medvedev O‘zbekiston prezidenti Shavkat Mirziyoyev bilan uchrashadi va MDHga a’zo davlatlar hukumat rahbarlari kengashida ishtirok etadi, deb xabar qildi Rossiya hukumati matbuot-xizmati.

Rossiya Bosh vaziri Medvedevning O‘zbekiston Bosh vaziri Abdulla Aripov bilan muzokaralari 2-noyabr sanasiga rejalashtirilgan. Ikkiyoqlama uchrashuv davomida savdo-iqtisodiy, investitsiya, energetika, sanoat va qishloq xo‘jaligi sohalarida hamkorlikni kengaytirish masalalari ko‘rib chiqiladi.

Bundan tashqari, yirik infratuzilmaga oid hamda yuqori texnologiyali loyihalarning hayotga tatbiq etilishi jarayoni ko‘zdan kechirilishi rejalashtirilmoqda.

"Asosiy e’tibor O‘zbekiston respublikasi prezidenti Shavkat Mirziyoyevning 2017-yilda Rossiya Federatsiyasiga qilgan tashrifi davomida erishilgan kelishuvlarga qaratiladi", — deyilgan xabarda.

Muzokaralar yakuni bo‘yicha huqumatlararo, idoralararo va korporativ hujjatlar to‘plami imzolanadi.

3 noyabr kuni Medvedev Toshkent shahrida o‘tkaziladigan MDHga a’zo davlatlar hukumat rahbarlari kengashida ishtirok etadi.