TOShKENT, 18 okt — Sputnik. Facebookdagi Uzbek MDK guruhida kuchli shamol oqibatida bino tomi odamlar ustiga tushib ketganligi haqida video rolik joylashtirildi.
Shamol oqibatlari aks etgan video roliklar va suratlar internet tarmoqlarida bir zumda tarqaldi. Ularda daraxtlar shoxlari mashinalar ustiga qulab tushganligini ko‘rish mumkin.
Foydalanuvchilar o‘z izohlarida mazkur kuchli shamolni Moskvada bo‘lgan kuchli dovuliga o‘xshatishdi. O‘sha kuchli dovul vaqtida mingdan ortiq daraxtlar qulagandi. Shuningdek, 20 ortiq aholi istiqomat joylari elektr ta’minotidan uzilib, 30 ta ko‘p qavatli va xususiy uylarning tomi buzilgandi.
Buxorolik internet foydalanuvchilari ham shaharda kuchli shamol ko‘p qavatli binoning tomini ko‘chirib yuborgani tasvirlangan videolavha joylashtirishdi.
