TOShKENT, 16 okt — Sputnik. 2018-yilda davlat test sinovlarining javoblari ertasi kuni e’lon qilinadi, deb xabar qildi Uz24 nashri Davlat test markazi direktori Majid Karimovga tayanib.
"Test sinovlari shaffof va haqqoniy o‘tishini ta’minlash maqsadida ushbu tizimni takomillashtirish hamda abituriyentlar, ota-onalarga yengilliklar tug‘dirish maqsadida mavjud tizimni isloh qilish talab etildi.
Bu bo‘yicha hozirda katta ishlar olib borilyapti. Ya’ni yangi 2018/2019 o‘quv yilidan boshlab, test jarayonini bir kunda emas, 15 kun davomida o‘tkazish, test materiallarini abituriyentlarning o‘ziga berish, natijasini esa imtihonning ertasiga e’lon qilish vazifalari qo‘yilgan.
Shuningdek, test jarayonini katta pavilon, sport majmualarida o‘tkazish, oshkoralikni ta’minlash uchun videokuzatuv hamda onlayn translyatsiyalarni tashkil qilish vazifalari ham qo‘yilgan", — deb aytgan DTM rahbari.
