TOShKENT, 15 okt – Sputnik. O‘zbekiston tashqi ishlar vaziri Abdulaziz Kamilov boshchiligidagi delegatsiya Eronda 16-18 oktabr kunlari bo‘lib o‘tadigan O‘zbekiston-Eron biznes-forumida ishtirok etadi, deb xabar qilmoqda TIV rasmiy sahifasi.
Tashrif dasturidan Eron Islom Respublikasi Prezidenti Hasan Ruhoniy, vitse-prezident Suren Sattariy, tashqi ishlar vaziri Javad Zarif va Eronning boshqa davlat tuzilmalari rahbarlari bilan uchrashuvlar va muzokaralar o‘rin olgan.
O‘zbekiston-Eron biznes-forumida ikki mamlakat orasidagi iqtisodiy va ijtimoiy aloqalarni yanada mustahkamlash, kengaytiril hamda istiqbolli hamkorlar bilan muzokaralar olib borish rejalashtirilgan.
