Martabali mehmonni Toshkent xalqaro aeroportida O‘zbekiston prezidenti Shavkat Mirziyoyev kutib oldi. Qirg‘iziston prezidenti 5-6 oktabr kunlari O‘zbekistonda davlat tashrifi bilan bo‘ladi.
Tashrif davomida ikki davlat rahbarlari o‘zaro manfaatli hamkorlik aloqalarini yanada rivojlantirish istiqbollarini muhokama qiladilar, mintaqaviy va xalqaro siyosatning dolzarb masalalari bo‘yicha fikr almashadilar.
Tashrif doirasida turli sohalarda o‘zaro aloqalarni mustahkamlashga qaratilgan qator ikki tomonlama hujjatlar imzolanishi rejalashtirilgan.
