TOShKENT, 28 sen — Sputnik. Qozog‘istonning Boyqo‘ng‘ir shahridagi "Boyqo‘ng‘ir" kosmodromi raketomodel maydonida bo‘lib o‘tgan o‘smirlar o‘rtasida raketomodel sporti bo‘yicha XVIII xalqaro musobaqalarda o‘zbekistonlik sportchilar mutlaq g‘olib bo‘lishdi.
Musobaqalarda Qozog‘iston, Belarus, Qirg‘iziston, O‘zbekiston, Rossiya va Bolgariyadan sportchilar ishtirok etdi.
O‘zbekistonlik yoshlar umumjamoa hisobida birinchi o‘rinni egallashdi
© Facebook
Oltita yo‘nalish bo‘yicha o‘tkazilgan musobaqalarda O‘zbekistondan "Barkamol avlod", "TEX PROGRES SPORT" va O‘zbekiston milliy terma jamoalari qatnashdi.
Barcha yo‘nalishlarda birinchi va ikkinchi o‘rinlarga sazovor bo‘lgan o‘zbekistonliklar umumjamoa hisobida yetakchilikni qo‘lga kiritishdi.
