TOShKENT, 24 sen — Sputnik. Kecha 23-sentabr shanba kuni Toshkentda bir kishining umriga zomin bo‘lgan, mudhish YTH sodir bo‘ldi, deb xabar qilmoqda UzNews nashri.
Hodisa taxminan soat 18:30 lar atrofida Chilonzor tumanida sodir bo‘lgan. Bunyodkor shoh ko‘chasidan katta tezlikda harakatlanayotgan taksi daraxtga urilgan. Xabarda aytilishiga ko‘ra, YTH haydovchi boshqaruvni yo‘qotishi oqibatida sodir bo‘lgan.
Oqibatda, 1950-yilda tug‘ilgan yo‘lovchi ayol, vafot etgan, uning 8 va 11 yoshli nabiralarining boshi o‘rta og‘irlikda lat yegan. Ular kasalxonaga yotqizilgan.
Haydovchi, 1980-yilda tug‘ilgan fuqaro ham jarohatlangan. Uning tos suyagi singan.
Ushbu ish yuzasidan jinoiy ish qo‘zg‘atilgan.
