TOShKENT, 19 sen — Sputnik. O‘zbekiston futbol federatsiyasi terma jamoaga xorijlik murabbiylar nomzodini ko‘rib chiqmoqda. Bu haqda federatsiya matbuot xizmatiga tayanib uzbekistan24.uz xabar qildi.
"Federatsiyaning yangi rahbariyati oldida zudlik bilan hal qilinadigan 5 ta ustuvor masala bor.
Birinchisi, O‘zbekiston milliy terma jamoasining yangi bosh murabbiyini tayinlashdir. Ayni paytda yangi rahbariyat milliy terma jamoaga bosh murabbiy tayinlashda faqat xorijlik murabbiylar nomzodini ko‘rib chiqayotganligini ma’lum qilamiz", deyilgan federatsiya xabarida.
Eslatib o‘tamiz, 12-sentabr kuni O‘zbekiston futbol federatsiyasi prezidenti etib Umid Ahmadjonov saylangan edi.
Unga qadar esa JCh-2018 final bosqichiga chiqa olmagan O‘zbekiston terma jamoasi bosh murabbiyi Samvel Babayan murabbiylikdan bo‘shatilgan edi.
