TOShKENT, 18 sen — Sputnik. SSSR Xalq artisti, Gruziya va Rossiya opera xonandasi, Katta teatr solisti va Moskva konservatoriyasi pedagogi Zurab Lavrentyevich Sotkilava 80 yoshida vafot etdi, deb xabar qilmoqda RIA Novosti.
"Operatsiyadan so‘ng Zurab Lavrentyevich o‘zini yaxshi his qilayotgan edi, lekin bugun ertalab u kishi vafot etdi", — deb xabar berishdi xonandaning qarindoshlari.
Zurab Sotkilava 1937-yilda Suxumida tug‘ilgan. Yoshligidan futbolga qiziqqan va Dinamo Suxum jamoasida o‘ynagan. 20 yoshida Gruziya terma jamoasining kapitani bo‘lgan. Jamoa 1956-yilda SSSRda birinchilikni qo‘lgan kiritgan. Keyinchalik o‘yinda og‘ir jarohat olib futbolni tark etishga majbur bo‘lgan.
1965 yilda Tbilissi konservatoriyasini yakunlab, Gruziya opera va balet teatriga ishga kiradi. 1966-1968 yillarda Italiyaning La Skala teatrida malaka oshirishda bo‘ladi.
1974 yildan boshlab Moskva Katta teatrida Jorj Bizenineg "Karmen" operasida Xoze roli bilan debut qiladi va teatrning asosiy truppasiga kiradi.
1976 yildan boshlab teatrda ishlash bilan bir vaqtda Moskva konservatoriyasida o‘qituvchilik qilib kelgan.
Sotkilavaning so‘nggi konserti 2015-yilning Oktabr oyida Sergiyev Posad shaharchasida bo‘lib o‘tdi. Shu yilning o‘zida shifokorlar xonanda og‘ir kasallikka — oshqozon osti bezi saratoniga chalingani aniqlashgan edi.
