TOShKENT, 18 sen — Sputnik. Ostonada qurilayotgan binoning bir qismi qulab tushgach huquq-tartibot organlari xodimlari yuklash-yuk tushirish ishlari uchun mas’ul bo‘lgan rahbarlardan birini qo‘lga oldilar, deb xabar qilmoqda Sputnik Qozog‘iston.
Kuni kecha Qozog‘iston poytaxti Ostonada baxtsiz hodisa tufayli ikki nafar o‘zbekistonlik ishchilar qurbon bo‘lgan, yana bir kishi kasalxonaga olib ketilgan. Fojea yakshanba kuni, Alash ko‘chasi 25 uy manzilida sodir bo‘lgan. U yerda qurilayotgan uyning devori va tomining temir-beton plitasi qulab tushgan.
Tergovchilarning taxminiga ko‘ra, plitalar qurilish materiallari bilan haddan to‘lib-toshganligi tufayli qurilayotgan obyekt devori qulagan bo‘lishi mumkin.
Hozirda ushbu hodisa yuzasidan jinoiy ish qo‘zg‘atilgan va tegishli ekspertizalar tayinlangan.
