TOShKENT, 16 sen — Sputnik. O‘zbekiston prezidenti Shavkat Mirziyoyev Toshkent aeroportida Qozog‘iston prezidenti Nursulton Nazarboyevni kutib oldi, deb xabar berdi Akorda.
O‘zbekiston poytaxtiga tashrif buyurganidan so‘ng Qozog‘iston rahbari Mirziyoyev bilan hamrohlikda O‘zbekiston xalqining umummilliy ramzi bo‘lmish "Mustaqillik va ezgulik" monumentiga gul qo‘yish uchun yo‘l oldi.
Nazarboyevning davlat tashrifi davomida ikki tomonlama uchrashuvlar o‘tkazish rejalashtirilgan. Davlat rahbarlari mintaqaviy kun tartibining muhim jihatlari hamda Qozog‘iston-O‘zbekiston munosabatlarini rivojlantirish masalalarini muhokama qiladilar.
