"ID" jangarilarining 400ga yaqin xotinlari Iroqdagi lagerga tushdi, orasida o‘zbeklar bor

© RIA NovostiIroq politsiyachilari
Iroq politsiyachilari - Sputnik O‘zbekiston
Obuna bo‘lish
Iroq harbiylari o‘rab olgach jangarilar taslim bo‘lgan. Harbiylar ularni oilalari bilan birga qo‘lga olgan.

TOShKENT, 14 sen — Sputnik. Tall-Afar shahri uchun olib borilgan janglardan keyin "Islom davlati" jangarilarining 400 nafarga yaqin xotinlari Iroq harbiylari qo‘liga kelib tushgan. Ular orasida Rossiya, O‘zbekiston va Turkmaniston fuqarolari borligi xabar qilinmoqda.

Nikolay Patrushev - Sputnik O‘zbekiston
Patrushev: noqonuniy migratsiya - terrorchilik rivojlanishi uchun qulay muhit yaratmoqda
Iroq shimoli-sharqida joylashgan Tall-Afar shahri uchun operatsiyalar 20-avgustdan boshlab olib borilgan. Iroq Bosh vaziri Xaydar al-Abadiy 31-avgust kuni iroqlik harbiylar "ID" ustidan to‘liq g‘alaba qozonganliklarini va Tall-Afar shahri joylashgan shimoliy Naynava viloyati jangarilardan tozalangani haqida e’lon qilgan. Operatsiya davomida 2 mingdan ortiq terrorchilar yo‘q qilingan.

"Jangarilar o‘rab olingach, ular oilalari bilan birgalikda taslim bo‘ldilar. Umumiy miqdori 600 nafarni tashkil qildi", — deb hikoya qilgan Iroq armiyasi vakili.

Iroq hukumatining taxminiga ko‘ra, ularning qo‘liga tushgan 400 nafar ayollar "ID" jangarilari xotinlari bo‘lishi mumkin. "Tall-Afarga kelgan ayollarning aksariyati Turkiya, Yevropa, Checheniston, Misr, Tunis va boshqa davlat va mintaqalardandir. Bu yerga kelgach ular o‘z ixtiyorlari bilan "ID" jangarilariga turmushga chiqishgan", — deb xabar qilgan RIA Novosti nashriga Iroq armiyasi vakili.

Suhbatdoshning so‘zlariga ko‘ra, hozirda ayollar "Hamam Eli" lagerida ushlab turilibdi. Iroq hukumati ularning "ID" bilan aloqalarini o‘rganishmoqda. "Agar ular orasida beayblari bo‘lsa, u holda biz ularni qo‘yib yuboramiz", — deb ishontirgan harbiy.

Harbiyning so‘zlariga ko‘ra, ayollarning kattagina qismini turkiyaliklar tashkil qiladi. Iroq hukumati hozirda barcha tegishli ma’lumotlarni Turkiyaning rasmiy vakillariga taqdim etishgan. Asir olingan jangarilar esa Bag‘dod shahriga yuborilgan.

Goroda Rossii. Grozniy - Sputnik O‘zbekiston
Mo‘sulda jangarilarga turmushga chiqqan 20 nafar yevropalik ayol topildi
ID" jangarilarining taslim bo‘lgan ayollaridan biri 34 yoshli Kubra Xajiog‘lu "Hamam Eli" lageriga olib kelinganiga 14 kun bo‘lgani haqida so‘zlab bergan. "Qurd ko‘ngilli askarlari vakillarining so‘zlariga ko‘ra hozirda bizga nisbatan surishtiruv-tergov ishlari olib borilib, ma’lumotlar to‘planayotgan ekan. Ayni vaqtgacha ikki o‘rtada bizlarni Turkiyaga topshirish haqida kelishuv imzolanganicha yo‘q. Bizlarni nimada ayblashayotganidan bexabarmiz… Biz Turkiyaga qaytishni xohlaymiz. Bu masala hal etilishi uchun Turkiya hukumatidan yordam so‘raymiz… Bu yerda bizni terrorchilar deb hisoblashadi…", — deb aytgan ayol. Ayolning aytishicha lagerda turkiyaliklardan tashqari Pokiston, Turkmaniston, Rossiya va O‘zbekistondan ham ayollar bor.

Yangiliklar lentasi
0