TOShKENT, 13 sen — Sputnik. Qozog‘iston prezidenti Nursulton Nazarboyev 16-sentabr kuni O‘zbekistonga davlat tashrifi bilan keladi. Bu haqda Qozog‘iston prezidentining rasmiy saytida xabar berilmoqda.
Xabarda aytilishicha, Nursulton Nazarboyev O‘zbekiston prezidenti Shavkat Mirziyoyev bilan ikkitomonlama munosabatlarni yanada rivojlantirish yuzasidan muzokara olib borishi kutilmoqda.
Shuningdek, tashrif doirasida Nazarboyevning O‘zbekiston-Qozog‘iston biznes forumida ishtirok etishi rejalashtirilgan.
Shavkat Mirziyoyev 10-sentabr kuni Nursulton Nazarboyevning taklifiga binoan Ostona shahrida Islom hamkorlik tashkilotining Fan va texnologiyalar bo‘yicha birinchi sammitida ishtirok etgandi.
