TOShKENT, 13 sen — Sputnik. Andijon viloyatining Xonobod shahrida avtomashinada yong‘in yuzaga keldi. Bu haqda O‘zbekiston IIV Yong‘in xavfsizligi bosh boshqarmasi matbuot xizmati xabar qildi.
Xabarda bildirilishicha, 11-sentabr kuni Xonobod shahridagi yong‘in xavfsizligi qismiga "Anhor" mahalla fuqarolar yig‘inining Do‘stlik ko‘chasida avtomashina yonayotgani haqida xabar kelib tushdi.
Yong‘in o‘chirish bo‘linmasi zudlik bilan voqea joyiga yetib keldi va yong‘in o‘chirildi.
Yong‘in oqibatida, 1984-yilda ishlab chiqarilgan "Moskvich-2140" rusumli avtomashinaning motor va salon qismi zararlangan.
Yong‘inga avtomashinaning motor qismidagi elektr simlarining qisqa tutashuvi sabab bo‘lganligi taxmin qilinmoqda.
Yong‘inda tan jarohatini olganlar yo‘q.
Yong‘in xavfsizligi bosh boshqarmasi haydovchilarga avtotransport vositalarini o‘z vaqtida texnik ko‘rikdan o‘tkazib turishlarini tavsiya qilmoqda.
