TOShKENT, 9 sen — Sputnik. O‘zbekiston Ichki ishlar vazirliga hamda Toshkent shahar IIBB mutasaddi xodimlari hamkorligida masofadan turib Telegram messenjeri orqali Migratsiya va fuqarolikni rasmiylashtirish tizimlarida ishlatiladigan maxsus blankalarni fuqarolarga bepul taqdim etish imkoniyati paydo bo‘ldi. Bu haqda Toshkent shahar IIBB xabar qildi.
Xabarda aytilishicha, fuqaro Migratsiya va fuqarolikni rasmiylashtirish tizimlarida ishlatiladigan maxsus blankalarni ko‘chirib olib, ulardan foydalanishi uchun Telegramdagi @PassportInfoUz botida ro‘yxatdan o‘tishi lozim.
Ro‘yxatdan o‘tilganidan so‘ng kerakli bo‘lim tanlanadi va hujjat blankasi ko‘chirib olinadi.
