TOShKENT, 7 sen — Sputnik. O‘zbekiston tovar xomashyo birjasi "chiroyli" avtomobil raqamlarini onlayn-auksionlarda sotuvi natijasida 380 mlrd so‘m foyda ko‘rish rejalashtirilgan. Bu haqda RIA Novosti O‘zRTXB savdolarni tashkil etish direktori Aziz Abdug‘aniyevga tayangan holda xabar berdi.
Avtomobil raqamlarining savdosi 5-sentabr kuni yangi maxsus birja savdo platformasida yo‘lga qo‘yildi. Onlayn-auksionda barcha istak bildirganlar qatnashishi mumkin.
Bugungi kunda Toshkent IIV YHXBB tomonidan auksionga 70 ga yaqin har xil turdagi raqamlar qo‘yilgan. Avtomobil raqamlarining narxi 5,2 million so‘mdan boshlanadi. Onlayn-tizimida 500 mingdan ortiq foydalanuvchilar ro‘yxatga olingan.
Dastlabki ikki kun ichida birja saytiga 17 ming kishi tashrif buyurdi. Hozirgi kunda avtoraqamlarga 9 ta buyurtma mavjud.
Shu yil yakuniga qadar onlayn-auksion savdolarda 18 ming dona avtomobil raqamini sotish rejalashtirilgan.
Avtoraqamlarning savdolarga qo‘yilishi O‘zbekiston IIV YHXBB bo‘linmalarining mas’ul xodimlari tomonidan amalga oshirilmoqda.
